Jo Radha ji ke naam ko apne 

Naam se pehle laate hain 

jo Shri charnon ki raj banke 

Braj ke kan kan bas jaate hain

Main Radhe Radhe naam japoon 

mohe Shyam nazar aa jaate hain

Sanwali surat mohini murat 

tose sundar kya hoga 

o srishti ko rachne wale 

tumhare bin hamra kya hoga

Jo kashton ko harte meri 

aur karuna ko barsaate hain 

lekar ke avatar wahi 

phir leela nai rachaate hain

Main Radhe Radhe naam japoon 

mohe Shyam nazar aa jaate hain

Shri Radha ji se mamta pai 

tumse pita ka prem mila 

kashton ko mere bhaap sake 

yahan tumse badh kar kaun bhala

Tum hi ho aaradhya Prabhu 

hum teri mahima gaate hain 

jinke mukh par naam tera 

wo bhavsagar tar jaate hain

Main Radhe Radhe naam japoon 

Mohe Shyam nazar aa jaate hain

Jag se hain haare jo saanware 

Tere sahare wo saanware 

Tohe pukaare o saanware 

Kar do naiya kinare o saanware

Main jab bhi gira tune thaam liya mujhe o saanware 

Meri har vipada ka naash kiya tune o saanware 

Maine har chhan tera hi naam liya O saanware 

Meri swaas swaas mein vaas tera hi o saanware

Tere dham mein aaye nitt nitt tere hi gun gaate 

hain har lete Hari sankat jo bhi Radha Radha gaate hain

Main Radhe Radhe naam japoon 

Mohe Shyam nazar aa jaate hain